Sirdaryo viloyati Guliston tumanida 2017-yil uchun belgilangan 1 ming 987 yangi ish o‘rnining 1 ming 783 tasi yaratildi. Bu haqda tuman hokimi Abdumavlon Ibodullayevning O‘zAda chop etilgan maqolasida ma’lum qilindi.
Tumanda 2017—2018-yillarda kompleks rivojlantirish dasturi doirasida sanoat va qishloq xo‘jaligi sohalarida 90 loyihadan 81 tasi ishga tushirilib, 181 yangi ish o‘rni tashkil etildi. Yana 9 loyiha bo‘yicha tegishli dalolatnomalar tuzilmoqda.
2017-yilda tumanni ijtimoiy-iqtisodiy rivojlantirish dasturiga asosan xizmat ko‘rsatish va servis yo‘nalishlarida 65 loyiha amalga oshirildi, bu 165 yangi ish o‘rni yaratish imkonini berdi.
Ishlab chiqilgan investitsiya loyihalaridan hozirda 3 loyiha ishga tushirilgan bo‘lsa, 3 tasi turar joy toifasiga o‘tkazilib, undan turar joy sifatida foydalanayotgan aholi benihoya mamnun.
Joriy yilda ikkita 2 qavatli, 20 ta umumiy maydoni 4 sotixli yangilangan loyihalar asosidagi uy-joylar foydalanishga topshirilib, 52 oila uy to‘ylarini nishonladi.
“Afsuski, eksport bo‘yicha belgilangan topshiriqlar ijrosi ta’minlanmay qoldi. Natijada joriy yilning 11 oyida mahsulotlar eksporti 232,6 ming dollar o‘rniga atigi 181 ming dollarni tashkil etdi. Bunday holat bizning bu boradagi ishimizni qayta ko‘rib chiqish, muammolar ustida jiddiy ish olib borishimiz zarurligini ko‘rsatadi”, — deb hokim so‘zlarini keltiradi O‘zA.
Izoh (0)