Samarqand shahrining xalq tilida “Za liniya” deb ataluvchi Ipak yo‘li, Maysazor, Matonat, Mehnat, Temiryo‘lchilar mahallalari joylashgan hudud mutasaddilar e’tiboridan ancha chetda qolgan. Agar shunday bo‘lmaganida hududning asosiy qatnov ko‘chalari bo‘lgan Shiroq va Go‘ro‘g‘li ko‘chalari bugungi holatga kelib qolmas edi, deb xabar berdi O‘zA.
Aslida, ikki qatnovli ushbu ko‘chalar jamoat transporti va yengil avtomashinalar harakatlanishiga ancha noqulaylik tug‘dirishi tabiiy. Ularning bugungi ta’mirtalab holati, aksariyat joylarda piyodalar yo‘lagi yo‘qligi haydovchilarda ham, piyodalarda ham birday tashvish uyg‘otmoqda.
Shuningdek, hududda chiqindi ko‘pligi, obodonlashtirish ishlari deyarli amalga oshirilmagani mazkur hududga mas’ullar, mutasaddilar anchadan buyon kelmaganligidan dalolat bo‘lsa kerak.
Izoh (0)