2017-yilning 16-dekabr kuni Peng Sheng xitoy—o‘zbek sanoat zonasi — “Jizzax” erkin iqtisodiy zonasining Sirdaryo filialiga xorij va mahalliy OAV vakillari tashrif buyurdi. Bu haqda Sergey Savchuk-Kurbanov o‘zining Facebook’dagi sahifasida xabar berdi.
Media-tur Xitoyning O‘zbekistondagi elchixonasini Savdo va iqtisodiy masalalar bo‘yicha maslahatchi idorasi ko‘magida tashkil etildi. Uning rahbari Szin Yuylun ikki mamlakat o‘rtasidagi istiqbolli hamkorlik to‘g‘risida so‘zlab berdi va diplomatik aloqalar o‘rnatilgan 25 yil ichida yillik savdo hajmi 100 barobarga o‘sganini ta’kidladi.
Shuningdek, jurnalistlar o‘zbek—xitoy do‘stlik bog‘idan o‘rin olgan bolalar attraksionlari, trenajyorlarini va joriy yilning 29-noyabrida ochilgan futbol maydonini ko‘zdan kechirdi.
Izoh (0)