Olimlar ochlikning kutilmagan foydasi haqida gapirdi

AQShning qarish muammolari bo‘yicha milliy instituti olimlari ochlik bilan davolash miya ishini yaxshilashini ma’lum qildi. Bu haqda “RIA Novosti” xabar berdi.

Olimlar ma’lum vaqt oralig‘ida ozuqadan uzilgan mushaklarning miya hujayralari ko‘proq ozuqa olganlaridan ko‘ra tezroq o‘sganini aniqlagan.

Tadqiqot mualliflaridan biri Mark Mettsonning so‘zlariga ko‘ra, bu qobiliyat evolyutsiya jarayonida ishlagan bo‘lishi mumkin, chunki odamning ajdodlari yovvoyi tabiatda ba’zan och qolishiga to‘g‘ri kelgan. Ozuqaga yetishgach, organizm miya o‘sishini tezlashtirish uchun undan foydalangan.

Olimning fikricha, bu hodisa miyaning neyrotrofik omili bilan bog‘langan bo‘lishi mumkin. Bu oqsil neyronlar va sinapslar o‘sishini tezlashtirgan holda odamning o‘qish va eslab qolish qobiliyatiga ta’sir ko‘rsatadi. Shu bilan birga, yosh o‘tgan sari u kamayib boradi.

Biroq ochlikning inson o‘sishiga ijobiy ta’sir ko‘rsatishi haqida gapirishga erta, chunki tajribalar hali yakuniga yetgani yo‘q.