“VKontakte” ijtimoiy tarmog‘ining sheriklar bilan ishlash bo‘yicha direktori Konstantin Sidorkov kamida ikki bor Trampning saylovoldi shtabi bilan muloqotda bo‘lgan. Bu haqda TJournal xabar bermoqda.
The Washington Post nashriga ko‘ra, Sidorkov AQSh prezidentligiga nomzod shtabiga 2016-yil yanvari va noyabrida yozgan. U saylov arafasida shtabning ijtimoiy media bo‘yicha direktori Den Skavino va kichik Donald Trampga milliarderning sahifasini yuritish taklifi bilan murojaat etgan.
Buni sobiq SSSR davlatlari, AQShda yshovchi rusiyzabonlar va Rossiyada Tramp haqidagi yangiliklarni rus tilida o‘qishni istashi, akkauntni ilgari surishda yordam berilishi, “VKontakte” auditoriyasi 100 million foydalanuvchidan iborat ekanligi bilan asoslashga uringan.
“VKontakte” va Tramp shtabi o‘rtasida hamkorlik o‘rnatilgani ma’lum emas. Biroq AQSh prezidentining shu paytgacha mazkur tarmoqda rasmiy sahifasi yo‘q.
Izoh (0)