United Airlines aviakompaniyasi ichki reyslarning bir qismida Starlink sun’iy yo‘ldosh internetiga ulanishni vaqtincha to‘xtatdi. Bunga Starlink terminallari va uchuvchilarning havo harakati nazoratchilariga aloqasini ta’minlovchi bort antennalarini bir vaqtning o‘zida ishlatishda yuzaga kelgan statik muammolar sabab bo‘lgan. Bu haqda PCMag nashri xabar bermoqda.
Ma’lum qilinishicha, may oyida United Airlines reklama kampaniyasi doirasida Starlink xizmatidan bepul foydalanishni taklif qilishni boshladi va yo‘lovchilarga SpaceX’ning sun’iy yo‘ldosh internetini taqdim etuvchi sanoqli tashuvchilardan biriga aylandi. Xizmat ishga tushirilgan paytda yuqori tezlik va barqarorlikni ko‘rsatgan, kompaniya esa 2025-yil oxirigacha butun ichki aviaparkini ushbu tizim bilan jihozlashni rejalashtirganini ma’lum qildi.
Hozirda xizmat yigirmaga yaqin Embraer E175 samolyotida to‘xtatilgan. Tashuvchi muammoning havo kemasining aloqa uskunalari va Starlink terminallari bir vaqtda ishlayotganda to‘qnashuvlar yuzaga kelishi bilan bog‘liqligini tasdiqladi. Kompaniya ushbu nosozlik parvozlar xavfsizligiga xavf tug‘dirmasligini alohida ta’kidlagan.
Ushbu vaziyat tufayli reyslarni bekor qilish rejalashtirilmayapti. Buning o‘rniga, har bir ta’sirlangan samolyot xalaqit manbasini bartaraf etish uchun rejali texnik xizmatdan o‘tkaziladi.
“Yaqin kelajakda ushbu havo kemalarida xizmat qayta tiklanishini kutmoqdamiz”, dedi United Airlines vakili PCMag’ga bergan izohida.
Donald Tramp va Ilon Mask o‘rtasida katta janjal yuz berdi. Ularning har ikkisi o‘z ijtimoiy tarmoqlari Truth Social va X’da ayblovlar yog‘dirdi. Tramp biznesmenning Tesla va SpaceX kompaniyalarini subsidiyalardan mahrum qilish bilan tahdid qildi, Mask esa AQSH prezidentini noshukurlikda aybladi va uning yordamisiz saylovlarda g‘alaba qozona olmasligini ta’kidladi.
Izoh (0)