Rossiya Federal qo‘riqlash xizmatining sobiq rahbari Yevgeniy Murovning rafiqasi — Lyudmila Murova bir qator yirik tashkilotlarning egasiga aylanib, Forbes ro‘yxatidan joy oldi, deb xabar berdi “MK.ru”.
U egalik qilayotgan kompaniyalar hibsga olingan biznesmen Dmitriy Mixalchenkoga tegishli bo‘lgan.
Forbes ma’lumotlariga ko‘ra, nafaqaxo‘r Murova Rossiyadagi eng yirik tibbiyot kompaniyalardan biri — “Yagona tibbiyot markazi”ning ulushiga egalik qilmoqda.
Shuningdek, Murovaga hozirda Mixalchenkoning “Ovsyanoye” yer-mulkining yarmi tegishli (qolgan yarmiga uning rafiqasini KGBdagi hamkasbi Nikolay Negodov egalik qilmoqda). Bundan tashqari, Murovaning aktivlari qatorida Peterburgdagi Bronka portini qurgan “Mulkni boshqarish ‘Izmeron’ zavodi” MChJning katta qismi (ustav kapitali — 11 milliard rubl) ham mavjud.
Nafaqaxo‘r bularning barchasiga qay yo‘sinda ega chiqqani hozircha noma’lum; ularni 22 yoshli nabirasi boshqaradi, o‘g‘li Andrey Murov esa o‘z vaqtida Pulkovo aeroportini boshqarganiga qaramay, o‘tgan yilda 68 million rubl daromadini deklaratsiyadan o‘tkazgan. Murova o‘z o‘g‘liga 2010-yilda bir milliarddan qimmatroq turuvchi koshonani sovg‘a qilgan, uning o‘zi esa Moskva va Peterburgdagi bir qator elita kvartiralarga egalik qiladi.
Shu bilan birga Murova Rossiya kyorling federatsiyasi vasiylik kengashiga ham rahbarlik qiladi.
Izoh (0)