O‘zbekistonda 2018-yildan dunyoda birinchilardan bo‘lib o‘smir qizlarni odam papilloma virusiga qarshi emlash bilan to‘liq qamrab olish yo‘lga qo‘yiladi. Bu haqda Sog‘liqni saqlash vazirligi axborot xizmati xabar bermoqda.
Bu ayollar o‘rtasida onkologik kasalliklarning oldini olish, reproduktiv salomatlikni mustahkamlashga xizmat qiladi.
Ma’lumot uchun, papilloma virusli kasallik bo‘lib, uning 100 dan ortiq turi mavjud. Ayrim ko‘rinishlari esa onkologik xastaliklarni keltirib chiqaradi. Jumladan, ayollardagi bachadon bo‘yni saratoni rivojlanishida papilloma virusi yetakchilik qiladi.
Ushbu xastalikdan himoyalanishning eng samarali usuli — papilloma virusiga qarshi emlashdir. Jahon sog‘liqni saqlash tashkiloti emlash tadbirini 9—13 yoshli qizlar o‘rtasida o‘tkazishni tavsiya etadi.
Izoh (0)