AQSh Suriyadagi At-Tanfada 50 mingdan ortiq kishini xalqaro gumanitar yordamdan ajratib qo‘ydi. Bu haqda Suriyadagi urushuvchi tomonlarni yarashtirish bo‘yicha markaz rahbari Sergey Kuralenkoga tayanib, “RIA Novosti” xabar berdi.
Uning so‘zlariga ko‘ra, AQSh o‘z bazasi atrofidagi 55 kilometrli hududni yopib qo‘ygan va odamlarni gumanitar yordamdan ajratib qo‘ygan.
Bu hududda joylashgan “Ar-Rukban” qochoqlar lageridagi odamlar mahsulotlar, shuningdek, malakali tibbiy yordam ola olmayapti, bolalar esa maktabga bormayapti.
Avval o‘tkazilgan maslahatlashuvlarga qaramasdan, hanuzgacha xalqaro tashkilotlarga qochoqlar lageriga gumanitar yordam yetkazib berish uchun yo‘l ochilmagan.
Rossiya 20-noyabrda At-Tanfadagi AQSh qo‘mondonligiga qochoqlarga insonparvarlik yordamini yetkazish bo‘yicha xavfsizlikni hamkorlikda ta’minlashni taklif qilgan. 22-noyabrda AQSh boshchiligidagi koalitsiya yordamga tayyorligini, biroq Suriya hukumatining konvoyni o‘tkazishga tayyorligi haqida tasdig‘ini olmaganini ma’lum qilgan.
Izoh (0)