Markaziy bank boshqaruvi qarori (ro‘yxat raqami 511-9, 2017-yil 23-noyabr) bilan tijorat banklari tomonidan xorijiy valyutadagi hisobvaraqlarni yuritish tartibiga tuzatishlar kiritildi, deb xabar beradi Norma.
Endilikda valyuta hisobvaraqlarida bo‘lgan mablag‘lar hisobvaraq egasining topshirig‘iga ko‘ra, shu jumladan, dividend tariqasida ham to‘lanishi mumkin.
Tijorat banklaridagi tegishli hisobvaraqlardagi xorijiy valyutadan quyidagi tarzda foydalanish mumkin:
- joriy xalqaro operatsiyalarni amalga oshirish bilan bog‘liq to‘lovlar bo‘yicha o‘tkazilishi;
- xorijiy valyutadagi operatsiyalar bo‘yicha bankning vositachilik haqini, xodimlarning O‘zbekistondan tashqariga xizmat safariga jo‘natilishi bilan bog‘liq xarajatlarni (shu jumladan, naqd pul shaklida) to‘lash uchun;
- kreditlar, qarz mablag‘lari, foizlar va boshqa daromadlar to‘lovi uchun;
- qonunchilikda belgilangan tartibda yuridik shaxslarning ustav fondini (ustav kapitalini) shakllantirishga doir xarajatlar to‘lovini o‘tkazish uchun;
- O‘zbekiston hududida tijorat banklari orqali sotish uchun;
- qonunchilikda belgilangan hollarda nosavdo tusidagi to‘lovlar bo‘yicha o‘tkazilishi;
- hisobvaraq egasining O‘zbekiston Respublikasining boshqa banklarida ochilgan hisobvaraqlariga o‘tkazish uchun;
- qonunchilikda belgilangan boshqa maqsadlar uchun.
Qaror qonun hujjatlari ma’lumotlari milliy bazasida rasman e’lon qilindi va 2017-yilning 24-noyabridan kuchga kirdi.
Izoh (0)