Toshkent rossiyalik sayyohlarning qishki sayohatlari uchun MDHning eng yaxshi shaharlari beshligiga kirdi

“TurStat” tahlil agentligi MDHning rossiyalik sayyohlar qishda tashrif buyurishi uchun eng yaxshi shaharlari reytingini tuzdi, unda Toshkent 5-o‘rinni egalladi, deb yozadi UZ24.

Reyting 2017—2018-yil qishiga belgilangan sayyohlik safarlari ommabopligini tahlil qilish natijalariga ko‘ra tuzildi.

MDH mamlakatlari poytaxtlariga, shuningdek, tog‘-chang‘i kurortlariga rossiyalik sayyohlar dam olish kunlari sayohat qiladi.

MDHga arzon sayohatlar bo‘yicha Bishkek va Kishinyov, “lyuks” sinfidagi hordiqlar uchun esa Boku va Ostona ommabopdir.

2017—2018-yil qishida rossiyalik sayyohlar orasida eng ommabop bo‘lgan shaharlar o‘nligi quyidagicha:

1. Minsk (Belarus)
2. Olmaota (Qozog‘iston)
3. Boku (Ozarbayjon)
4. Yerevan (Armaniston)
5. Toshkent (O‘zbekiston)
6. Ostona (Qozog‘iston)
7. Brest (Belarus)
8. Bishkek (Qirg‘iziston)
9. Kishinyov (Moldova)
10. Ganja (Ozarbayjon)