Pogba va Ibrahimovich qaytdi: “Yunayted”da yirik g‘alaba. “Tottenhem”dan boshqa barcha yetakchiga omad keltirgan tur

Angliya Premyer-Ligasining 12-turidan joy olgan asosiy uchrashuvlar o‘z yakuniga yetdi.

Ispaniyada Gvardiolaning sobiq jamoasi “Barselona” 12 ta turdan keyin 34 ochko jamg‘argan bo‘lsa, Angliyada “Manchester Siti” xuddi shu natijani takrorlab turibdi. “Shaharliklar”ning bu safargi “qurboni” “Lester” bo‘ldi. Bellashuv Gvardiola jamoasining 2:0 hisobidagi g‘alabasi bilan yakuniga yetdi.

Manchesterning yana bir klubi “Yunayted” esa Rafael Benites jamoasini yirik hisobda taslim qildi. Pol Pogba hamda Zlatan Ibrahimovichning safga qaytishi, “mankunianlar”ga muxlislik qiluvchilar kayfiyatini yuqori cho‘qqiga ko‘tardi va o‘z navbatida klub buni yirik g‘alaba bilan yuvib berdi.

Pogba o‘z hisobiga gol yozib qo‘ydi, shuningdek, Belgiya termasi safida tinmay gol urayotgan Romelu Lukaku ham qatordan kam bo‘lmadi. Ibrahimovich esa muxlislar olqishi ostida maydonga chiqib kelib, jami 15 daqiqa harakat qildi.

Londonning “Chelsi” klubi “Vest Bromvich” maydonida javobsiz 4 ta gol urib, 3-o‘ringa mustahkam joylashib olgan. Ayni paytda “Chelsi” va Mourinyoni 1 ochkogina ajratib turibdi.

Ular qatorida “Tottenhem” ham bo‘lishi mumkin edi. Biroq London “shporlar”i derbida “Arsenal”dan yengildi — 0:2. Uchrashuv avvalida bosh murabbiy Maurisio Pochettino FIFA kunlaridan nolib, shogirdlari bilan 1 kungina ko‘ngildagidek mashg‘ulot o‘tkaza olgani va bu juda kamligi haqida aytgandi. Yakunda uning xavotirlari o‘rinli bo‘lib chiqdi.

Yurgen Klopp boshqaruvidagi “Liverpul” ketma-ket uchinchi yirik g‘alabasiga erishdi. Bungacha “Xaddersfild”ni 3:0, “Vest Hem”ni 4:1 hisobida taslim qilgan “mersisayd” klubi, endi “Sautgempton” postiga javobsiz 3 ta gol urdi.

Angliya Premyer-Ligasi 12-tur bellashuvlari 18-noyabr, shanba

“Arsenal” — “Tottenhem” 2:0

Gollar: Shkodran Mustafi, 36 (1:0). Aleksis Sanches, 41 (2:0).

“Liverpul” — “Sautgempton” 3:0

Gollar: Muhammad Saloh, 31 (1:0). Muhammad Saloh, 41 (2:0). Filippe Koutinyo, 68 (3:0).

“Lester” — “Manchester Siti” 0:2

Gollar: Gabriel Jezus, 45 (0:1). Kevin de Bryuyne, 49 (0:2).

“Kristal Pelas” — “Everton” 2:2

Gollar: Jeyms Makartur, 2 (1:0). Leyton Beyns, 6-pen (1:1). Uilfrid Zaxa, 35 (2:1). Baye Umar Nyass, 46+ (2:2).

“Vest Bromvich” — “Chelsi” 0:4

Gollar: Alvaro Morata, 17 (0:1). Eden Azar, 23 (0:2). Markos Alonso, 38 (0:3). Eden Azar, 62 (0:4).

“Byornli” — “Suonsi” 2:0

Gollar: Jek Kork, 29 (1:0). Eshli Barns, 40 (2:0).

“Bornmut” — “Xaddersfild” 4:0

Gollar: Kallum Uilson, 26 (1:0). Kallum Uilson, 31 (2:0). Harri Arter, 70 (3:0). Kallum Uilson, 84 (4:0).Chetlatish: Saymon Frensis, 49+ (B).

“Manchester Yunayted” — “Nyukasl” 4:1

Gollar: Duayt Geyl, 14 (0:1). Antoni Marcyal, 37 (1:1). Kris Smolling, 47+ (2:1). Pol Pogba, 54 (3:1). Romelu Lukaku, 70 (4:1).

19-noyabr, yakshanba“Uotford” — “Vest Hem” — 21:00

20-noyabr, dushanba“Brayton” — “Stok Siti” — 01:00