Англия Премьер-Лигасининг 12-туридан жой олган асосий учрашувлар ўз якунига етди.
Испанияда Гвардиоланинг собиқ жамоаси «Барселона» 12 та турдан кейин 34 очко жамғарган бўлса, Англияда «Манчестер Сити» худди шу натижани такрорлаб турибди. «Шаҳарликлар»нинг бу сафарги «қурбони» «Лестер» бўлди. Беллашув Гвардиола жамоасининг 2:0 ҳисобидаги ғалабаси билан якунига етди.
Манчестернинг яна бир клуби «Юнайтед» эса Рафаэль Бенитес жамоасини йирик ҳисобда таслим қилди. Поль Погба ҳамда Златан Ибраҳимовичнинг сафга қайтиши, «манкунианлар»га мухлислик қилувчилар кайфиятини юқори чўққига кўтарди ва ўз навбатида клуб буни йирик ғалаба билан ювиб берди.
Погба ўз ҳисобига гол ёзиб қўйди, шунингдек, Бельгия термаси сафида тинмай гол ураётган Ромелу Лукаку ҳам қатордан кам бўлмади. Ибраҳимович эса мухлислар олқиши остида майдонга чиқиб келиб, жами 15 дақиқа ҳаракат қилди.
Лондоннинг «Челси» клуби «Вест Бромвич» майдонида жавобсиз 4 та гол уриб, 3-ўринга мустаҳкам жойлашиб олган. Айни пайтда «Челси» ва Моуриньони 1 очкогина ажратиб турибди.
Улар қаторида «Тоттенҳэм» ҳам бўлиши мумкин эди. Бироқ Лондон «шпорлар»и дербида «Арсенал»дан енгилди — 0:2. Учрашув аввалида бош мураббий Маурисио Почеттино ФИФА кунларидан нолиб, шогирдлари билан 1 кунгина кўнгилдагидек машғулот ўтказа олгани ва бу жуда камлиги ҳақида айтганди. Якунда унинг хавотирлари ўринли бўлиб чиқди.
Юрген Клопп бошқарувидаги «Ливерпуль» кетма-кет учинчи йирик ғалабасига эришди. Бунгача «Хаддерсфилд»ни 3:0, «Вест Ҳэм»ни 4:1 ҳисобида таслим қилган «мерсисайд» клуби, энди «Саутгемптон» постига жавобсиз 3 та гол урди.
Англия Премьер-Лигаси 12-тур беллашувлари 18 ноябрь, шанба
«Арсенал» — «Тоттенҳэм» 2:0
Голлар: Шкодран Мустафи, 36 (1:0). Алексис Санчес, 41 (2:0).«Ливерпуль» — «Саутгемптон» 3:0
Голлар: Муҳаммад Салоҳ, 31 (1:0). Муҳаммад Салоҳ, 41 (2:0). Филиппе Коутиньо, 68 (3:0).«Лестер» — «Манчестер Сити» 0:2
Голлар: Габриэл Жезус, 45 (0:1). Кевин де Брюйне, 49 (0:2).«Кристал Пэлас» — «Эвертон» 2:2
Голлар: Жеймс Макартур, 2 (1:0). Лейтон Бейнс, 6-пен (1:1). Уилфрид Заха, 35 (2:1). Байе Умар Ньясс, 46+ (2:2).«Вест Бромвич» — «Челси» 0:4
Голлар: Альваро Мората, 17 (0:1). Эден Азар, 23 (0:2). Маркос Алонсо, 38 (0:3). Эден Азар, 62 (0:4).«Бёрнли» — «Суонси» 2:0
Голлар: Жек Корк, 29 (1:0). Эшли Барнс, 40 (2:0).«Борнмут» — «Хаддерсфилд» 4:0
Голлар: Каллум Уилсон, 26 (1:0). Каллум Уилсон, 31 (2:0). Ҳарри Артер, 70 (3:0). Каллум Уилсон, 84 (4:0).Четлатиш: Саймон Фрэнсис, 49+ (Б).«Манчестер Юнайтед» — «Ньюкасл» 4:1
Голлар: Дуайт Гейл, 14 (0:1). Антони Марcьяль, 37 (1:1). Крис Смоллинг, 47+ (2:1). Поль Погба, 54 (3:1). Ромелу Лукаку, 70 (4:1).19 ноябрь, якшанба«Уотфорд» — «Вест Ҳэм» — 21:00
20 ноябрь, душанба«Брайтон» — «Сток Сити» — 01:00
Изоҳ (0)