Vazirlar Mahkamasining 14-noyabrda imzolangan “O‘zbekiston Yoshlar ittifoqining faol a’zolariga oliy ta’lim muassasalariga kirishda imtiyozlar taqdim etish to‘g‘risida”gi qarori e’lon qilindi. Bu haqda Norma xabar bermoqda.
Hujjat bilan:
- Yoshlar ittifoqi a’zolarini oliygohlarga imtiyozli qabul qilishning tavsiya tartibi;
- oliygohlarga imtiyozli qabul qilish tavsiyalarini ko‘rib chiqish bo‘yicha Respublika komissiyasining shaxsiy tarkibi tasdiqlandi.
Imtiyozli qabul qilinishi tavsiya etilgan nomzodlar ro‘yxatini tegishli komissiya tanlov asosida aniqlaydi va tasdiqlaydi.
Tavsiya etiladigan nomzodlar ushbu kategoriyalardan biriga mansub bo‘lishi lozim:
- Yoshlar ittifoqining sardorlari;
- Yoshlar ittifoqining boshlang‘ich tashkilotlaridagi yo‘nalish yetakchilari;
- Yoshlar ittifoqida kamida ikki yillik mehnat stajiga ega fidokor yoshlar vakillari.
- ma’lumoti haqidagi hujjat nusxasi hamda baholar varaqasi;
- ta’lim muassasasidan arizachi bitiruvchisi ekanligi haqida ma’lumotnoma;
- 086-U shaklidagi tibbiy ma’lumotnoma;
- pasport yoki tug‘ilgan haqidagi guvohnoma nusxasi;
- 3,5 x 4,5 santimetr o‘lchamli to‘rtta rangli fotosurat;
- mehnat daftarchasi nusxasi (agar mehnat staji bo‘lsa);
- Yoshlar ittifoqi tizimida erishilgan yutuqlari haqidagi hujjatlar (diplom, sertifikat, faxriy yorliq va h.k.).
Ushbu imtiyoz asosida mamlakatda ishlab turgan chet el ta’lim dargohlariga kirib bo‘lmaydi.
Izoh (0)