Вазирлар Маҳкамасининг 14 ноябрда имзоланган «Ўзбекистон Ёшлар иттифоқининг фаол аъзоларига олий таълим муассасаларига киришда имтиёзлар тақдим этиш тўғрисида»ги қарори эълон қилинди. Бу ҳақда Norma хабар бермоқда.
Ҳужжат билан:
- Ёшлар иттифоқи аъзоларини олийгоҳларга имтиёзли қабул қилишнинг тавсия тартиби;
- олийгоҳларга имтиёзли қабул қилиш тавсияларини кўриб чиқиш бўйича Республика комиссиясининг шахсий таркиби тасдиқланди.
Имтиёзли қабул қилиниши тавсия этилган номзодлар рўйхатини тегишли комиссия танлов асосида аниқлайди ва тасдиқлайди.
Тавсия этиладиган номзодлар ушбу категориялардан бирига мансуб бўлиши лозим:
- Ёшлар иттифоқининг сардорлари;
- Ёшлар иттифоқининг бошланғич ташкилотларидаги йўналиш етакчилари;
- Ёшлар иттифоқида камида икки йиллик меҳнат стажига эга фидокор ёшлар вакиллари.
- маълумоти ҳақидаги ҳужжат нусхаси ҳамда баҳолар варақаси;
- таълим муассасасидан аризачи битирувчиси эканлиги ҳақида маълумотнома;
- 086-У шаклидаги тиббий маълумотнома;
- паспорт ёки туғилган ҳақидаги гувоҳнома нусхаси;
- 3,5 х 4,5 сантиметр ўлчамли тўртта рангли фотосурат;
- меҳнат дафтарчаси нусхаси (агар меҳнат стажи бўлса);
- Ёшлар иттифоқи тизимида эришилган ютуқлари ҳақидаги ҳужжатлар (диплом, сертификат, фахрий ёрлиқ ва ҳ.к.).
Ушбу имтиёз асосида мамлакатда ишлаб турган чет эл таълим даргоҳларига кириб бўлмайди.
Изоҳ (0)