AQSh harbiylari Litvadagi mashqlarda muntazam ishtirok etishi ma’lum qilindi

AQSh harbiylari Litva hududidagi mashqlarda doimiy ravishda ishtirok etadi. Bu haqda Litvada Gelezinis Vilkas 2 mashg‘ulotlarini kuzatagan Qo‘shma Shtatlarning Yevropadagi quruqlikdagi qo‘shinlari qo‘mondoni Ben Xojes ma’lum qildi, deb xabar beradi “TASS”.

“Amerikalik harbiylar deyarli har oy Litvada o‘tkaziladigan mashqlarda qatnashadi. Ular Sharqiy Yevropa hududida Atlantic Resolve operatsiyasi doirasidagi marsh harakatlarining muntazam ishtirokchisi. Bu yanada murakkab va ko‘lami keng mashg‘ulotlarga tayyor bo‘lish uchun zarur”, — ta’kidladi Xojes.

Qo‘mondon Litva, Latviya va Estoniyada “AQSh harbiy maxsus bo‘linmalari doim borligi”ni bildirdi, biroq ularning faoliyati nimalardan iborat ekanligiga aniqlik kiritmadi.

Shu bilan birga, Qo‘shma Shtatlar armiyasi bo‘linmalari, “agar bunga zarurat tug‘ilmasa”, Litvadagi “kazarmalarda uzoq muddat va muntazam bo‘lishi”ga hojat yo‘qligini ma’lum qildi.