Kataloniya hukumati raisi Karles Puchdemonning murojaat bilan chiqish qilishi bekor qilindi, deya xabar bermoqda “Kommersant”.
Xabar berishlaricha, mazkur chiqishi davomida Puchdemon hududning Ispaniyadan mustaqilligini e’lon qilishi mumkin edi.
Puchdemonning nutqi dastlab mahalliy vaqt bilan soat 13:30 ga (Toshkent vaqti bilan 16:30) belgilangan edi, keyinroq u bir soatga qoldirildi, so‘ng mutlaqo bekor qilindi.
Karles Puchdemon boshqa kun baribir chiqish qilishi mumkinligi istisno etilmayapti.
Kataloniyaning Ispaniyadan ajralib chiqishi masalasidagi referendum 1-oktabr kuni bo‘lib o‘tgan edi. Unda ovoz beruvchilarning 90 foizi mustaqillikni yoqlab chiqqandi.
10-oktabr kuni Puchdemon hududning mustaqilligi to‘g‘risidagi deklaratsiyani imzoladi, biroq Madrid bilan muzokaralar o‘tkazish maqsadida deklaratsiyaning amal qilishini darhol to‘xtatib qo‘ydi.
21-oktabr kuni esa Ispaniya markaziy hukumati Kataloniyaning muxtoriyat vakolatlarini bekor qilib, uni bevosita boshqarish jarayoniga kirishishni boshladi.
Izoh (0)