Rossiya TIV vakili Pokemon Go o‘yinidan AQShga ta’sir uchun “foydalanilgani”ga munosabat bildirdi

Rossiya tashqi ishlar vazirligi rasmiy vakili Mariya Zaxarova CNN telekanalining Rossiya Pokemon Go o‘yinidan AQSh siyosatiga ta’sir ko‘rsatish uchun foydalangani haqidagi da’vosiga munosabat bildirdi. Bu haqda “RBK” ma’lum qildi.

“CNN suyanadigan mantiqdan kelib chiqilsa, afro-amerikaliklar pokemonlar o‘ynab, o‘z fuqarolik pozitsiyasini bildiradi. Telekanal zamonaviy Amerikada irqiy muammolar yuzaga kelishini shunday ahmoqona tarzdaizohladi. Yana ruslar ... va ular tomonidan boshqariladigan pokemonlar aybdor”, —  kinoya qildi Zaxarova Facebookdagi sahifasida.

Eslatib o‘tamiz, CNN telekanali Rossiya ijtimoiy tarmoqlarda Don’t Shoot Us (“Bizni otmang”) kompaniyasini uyushtirgani, bu harakatlar afro-amerikaliklar orasida norozilik keltirib chiqarishi kutilganini ma’lum qilgandi.