Joriy yilning iyun oyida Jizzax viloyati ko‘p tarmoqli tibbiyot markazi bilan Janubiy Koreyaning Chonnam universiteti milliy shifoxonasi o‘rtasida o‘zaro hamkorlik memorandumi imzolangan edi. Ilmiy-texnik, o‘zaro tajriba almashishning qator yo‘nalishlarini qamrab olgan hamkorlik doirasida ushbu shifoxonaning 31 nafar malakali mutaxassisidan iborat shifokorlar guruhi Jizzaxga keldi. Bu haqda O‘zA xabar berdi.
Xorijlik shifokorlar viloyat ko‘p tarmoqli tibbiyot markazida davolash, profilaktika ishlari bilan tanishdi. Viloyatdagi hamkasblari bilan hamkorlikda sakkizta yo‘nalishda bemorlarni ko‘rikdan o‘tkazdi. To‘rtta jarrohlik amaliyoti amalga oshirildi.
Hamkorlikdagi tibbiy ko‘rik doirasida mahorat darslari ham o‘tkazildi.
Izoh (0)