Vazirlar Mahkamasi huzuridagi O‘zbekiston neft mahsulotlari va gazdan foydalanishni nazorat qilish davlat inspeksiyasi (“O‘zdavneftgazinspeksiya”) Telegram’dagi @kanallani_dodasi kanali tomonidan tarqatilgan axborotga raddiya berdi. Raddiya inspeksiya saytida berilgan.
“1news.uz”ning aniqlik kiritishicha, @kanallani_dodasi’da 2-oktabr kuni O‘zbekiston hududidagi avtomobillarga gaz quyish shoxobchalaridan birida portlash bo‘lgani haqidagi videoxabar e’lon qilingan.
Inspeksiyaning qayd etishicha, yangi deb aytilgan videoda aslida 2015-yil 24-avgust kuni Toshkent viloyatining Yuqori Chirchiq tumanidagi “Do‘stlik” qishloq fuqarolar yig‘ini hududidan o‘tgan “Yangiyer — Toshkent” magistral gaz quvurida yuz bergan eski hodisa aks etgan.
“Inspeksiya <...> @kanallani_dodasi orqali yoritilgan portlash hodisasi <...> joriy yil davomida respublikamiz hududida sodir bo‘lmaganligini ma’lum qiladi”, — deyiladi muassasa raddiyasida.
Izoh (0)