Покистон муассасалараро разведка бошқармаси (ISI) террорчи гуруҳлар билан алоқаларга эга. Бу ҳақда АҚШ штаб бошлиқлари бирлашган қўмитаси раиси Жозеф Данфорд маълум қилди, дея хабар беради Reuters.
АҚШ расмийлари Покистон жангарилар гуруҳлари, жумладан, «Толибон» ва «Ҳаққоний тармоғи»га қарши ҳаракат қилишни истамаслигидан аллақачон ҳафсаласи пир бўлгани билдирилмоқда.
Ўтган йил июлида Афғонистон разведкасининг собиқ раҳбари Раҳматулла Набил Покистон расмийлари толиблар ва «Ҳаққоний тармоғи»га 2014—2015 йилларда ёрдам берганлигини исботловчи ҳужжатларни эълон қилганди. Материаллар орасида террорчиларга Покистон ҳудудида бошпана бериш ва Кобул аэропортига ҳужум учун мукофот ваъда қилиш ҳақидаги кўрсатмалар мавжуд.
Набил ҳужжатларни қаердан олганлигини маълум қилмади, уларнинг ҳақиқий эканлиги ҳам тасдиқланмади.
Изоҳ (0)