Fotogalereya: Rossiyadagi stadionlar JCh—2018 ga qanchalik tayyor?

Rossiya 2018-yilning yozida bo‘lib o‘tadigan har to‘rt yillikning eng yirik futbol musobaqasi — Jahon Chempionatiga hozirlik ko‘rmoqda.

Xalqaro futbol uyushmasi FIFA mundial o‘yinlarini qabul qiluvchi stadionlar JChga qanchalik tayyor degan savolni o‘rtaga qo‘yib, stadionlardan rasmlar taqdim etdi. Bunda ba’zi stadionlar futbol uchrashuvlariga to‘liq tayyorlangan bo‘lsa, ba’zilarida qurilish ishlari yil yakuniga qadar tugatilishi aytib o‘tilgan.

“Lujniki” stadioni (Moskva)

Stadion rekonstruksiyadan chiqib ulgurdi. “Lujniki” tez orada ilk rasmiy o‘yinni o‘tkazadi.

“Yekaterinburg Arena” (Yekaterinburg)

Stadionning ichki ko‘rinishi futbol o‘yini o‘tkazish uchun to‘la tayyor qilingan. Uning atrofida esa tez orada yakuniga yetishi kutilayotgan pardozlar ishlari qolgan.

“Samara Arena” (Samara)

Bu yerda qurilish yakuniga yetmagan. Agar rejadan chiqib ketilmasa, Samaradagi chiroyli arena yil yakuniga qadar foydalanish uchun topshiriladi.

“Volgograd Arena” (Volgograd)

Stadion tashqi ko‘rinishini yasatish uchun ish jadallik bilan davom etmoqda. FIFA ma’lumotiga ko‘ra, ichki qism to‘la tayyor.

“Nijniy Novgorod” stadioni (Nijniy Novgorod)

Bu yerda qurilish ishlari hali ham davom etmoqda. Stadionga yangi o‘rindiqlar o‘rnatib chiqilayotgan bo‘lib, uning maysasini parvarishlash birinchi darajaga chiqqan.

“Rostov Arena” (Rostov)

Uy uchrashuvlarini qabul qilish uchun tayyor stadion. Uning ustki qismi “Bunyodkor”ni eslatib yuboradi.

“Kaliningrad” stadioni (Kaliningrad)

Mazkur stadionda bemalol o‘yin o‘tkazish imkoniyati mavjud.

“Mordoviya Arena” (Saransk)

Rejaga ko‘ra, stadionlar ichida eng oxirgi bo‘lib mana shunisi ishga tushadi.