Yangi zelandiyalik musiqachi Nayjel Jon Stenford sanoat robotlari yordamida yozilgan Automatica nomli albomni taqdim etdi. Undan 12 ta kompozitsiya joy olgan. Robotlar Kuka Robotics firmasi tomonidan ishlab chiqilgan. Bu haqda Cnet nashri xabar bermoqda.
Xabarga ko‘ra, Stenford robotlarga musiqa asboblarini chalishni o‘rgatish uchun bir oy vaqtini garajda o‘tkazgan.
Albomning chiqishidan oldin bastakor o‘zining YouTube’dagi kanaliga Automatica musiqasi uchun ishlangan klipni joylagan. Klipda musiqachi robotlarni pianino, baraban, bas-gitara chalish va dijeylik pultida ishlash uchun sozlayotgani aks etgan. Klip so‘ngida robotlar musiqa asboblarini sindirishni boshlagan.
Avvalroq robot birinchi marta simfonik orkestrga dirijorlik qilgani haqida xabar berilgan edi.
Izoh (0)