Kolumbiya Venesueladagi vaziyatdan tashvishda va mintaqadagi boshqa mamlakatlar bilan birgalikda qo‘shni davlatda hokimiyatning tinch yo‘l bilan almashishiga ko‘maklashishga tayyor. Bu haqda Kolumbiya prezidenti Xuan Manuel Santos Nyu-Yorkda AQSh prezidenti Donald Tramp uyushtirgan va Braziliya, Panama va Argentina rahbarlari ishtirok etgan yig‘ilishdan so‘ng ma’lum qildi, deya xabar berdi “TASS”.
“Barchamizni Vensuelada yuz berayotgan voqealar tashvishlantirmoqda. Biz Vensuela xalqini himoya qilish, demokratiya tiklanishini istaymiz. Mamlakatda barqarorlikni saqlagan holda hokimiyatni tinch yo‘l bilan almashishiga ko‘maklashish zarurligini muhokama qildik”, — ta’kidladi Xuan Manuel Santos.
Kolumbiya yetakchisiga ko‘ra, Lotin Amerikasi davlatlari rahbarlarining Tramp bilan uchrashuvi yakunlari bo‘yicha hech qanday aniq choralar ishlab chiqilmadi, balki “harakatlarni muvofiqlashtirish, jamoada ishlash, boshqalar bilan fikr almashish” bo‘yicha kelishib olindi.
Izoh (0)