Колумбия Венесуэладаги вазиятдан ташвишда ва минтақадаги бошқа мамлакатлар билан биргаликда қўшни давлатда ҳокимиятнинг тинч йўл билан алмашишига кўмаклашишга тайёр. Бу ҳақда Колумбия президенти Хуан Мануэль Сантос Нью-Йоркда АҚШ президенти Дональд Трамп уюштирган ва Бразилия, Панама ва Аргентина раҳбарлари иштирок этган йиғилишдан сўнг маълум қилди, дея хабар берди «ТАСС».
«Барчамизни Венсуэлада юз бераётган воқеалар ташвишлантирмоқда. Биз Венсуэла халқини ҳимоя қилиш, демократия тикланишини истаймиз. Мамлакатда барқарорликни сақлаган ҳолда ҳокимиятни тинч йўл билан алмашишига кўмаклашиш зарурлигини муҳокама қилдик», — таъкидлади Хуан Мануэль Сантос.
Колумбия етакчисига кўра, Лотин Америкаси давлатлари раҳбарларининг Трамп билан учрашуви якунлари бўйича ҳеч қандай аниқ чоралар ишлаб чиқилмади, балки «ҳаракатларни мувофиқлаштириш, жамоада ишлаш, бошқалар билан фикр алмашиш» бўйича келишиб олинди.
Изоҳ (0)