Shveysariya prokurorlari noma’lum shaxs nima sababdan o‘n minglab yevroni UBS Group AG moliyaviy xoldingining Jenevadagi bo‘linmasida unitazga oqizib yuborganini aniqlashtirishga intilmoqda, deb yozadi Bloomberg.
500 yevrolik kupyuralar dastlab bank bazasi yonidagi hojatxonadan topilgandi. Bir necha kun o‘tgach, kupyuralar yaqin orada joylashgan uchta restoran hojatxonalariga tiqilib qoldi. Nashr ta’kidlashicha, quvurlarni tozalatish uchun muassasa santexniklarga minglab frank sarflagan.
Politsiya kupyuralarning ko‘pchiligi qaychi bilan kesilganiga e’tibor qaratdi.
“Shveysariyada pullarni yo‘q qilish jinoyat hisoblanmasa-da, biz tekshiruv boshladik, chunki bu voqea ortida nimadir bo‘lishi kerak”, — dedi Jeneva prokuraturasi vakili Genri Della Kasa.
Izoh (0)