Bekoboddagi “O‘zbekiston metallurgiya kombinati”da umumiy qiymati 634,5 million dollar qiymatidagi oltita yirik loyiha ishga tushirilishi ko‘zda tutilgan. Bu haqda O‘zbekiston Prezidenti Shavkat Mirziyoyevning Facebook’dagi sahifasida xabar qoldirilgan.
Korxonalar to‘liq ish boshlashi bilan 2,8 mingdan ziyod yangi ish o‘rni vujudga keladi va import o‘rnini bosuvchi, eksportbop, mahalliylashtirilgan mahsulotlar ishlab chiqariladi.
Bekobod shahriga tashrifini “O‘zmetkombinat” faoliyati bilan tanishishdan boshlagan Shavkat Mirziyoyev kombinatning issiqlik o‘tkazmas materiallar ishlab chiqarish sexida korxona faollari, yoshlar vakillari bilan samimiy muloqot qildi.
Shavkat Mirziyoyev qayd etganidek, korxonaning iqtisodiy imkoniyatlarini yanada rivojlantirish maqsadida yaqin kelajakda, 1—2 yil ichida jami 455 million yevro miqdorida sarmoya kiritiladi.
Izoh (0)