Бекободдаги «Ўзбекистон металлургия комбинати»да умумий қиймати 634,5 миллион доллар қийматидаги олтита йирик лойиҳа ишга туширилиши кўзда тутилган. Бу ҳақда Ўзбекистон Президенти Шавкат Мирзиёевнинг Facebook’даги саҳифасида хабар қолдирилган.
Корхоналар тўлиқ иш бошлаши билан 2,8 мингдан зиёд янги иш ўрни вужудга келади ва импорт ўрнини босувчи, экспортбоп, маҳаллийлаштирилган маҳсулотлар ишлаб чиқарилади.
Бекобод шаҳрига ташрифини «Ўзметкомбинат» фаолияти билан танишишдан бошлаган Шавкат Мирзиёев комбинатнинг иссиқлик ўтказмас материаллар ишлаб чиқариш цехида корхона фаоллари, ёшлар вакиллари билан самимий мулоқот қилди.
Шавкат Мирзиёев қайд этганидек, корхонанинг иқтисодий имкониятларини янада ривожлантириш мақсадида яқин келажакда, 1—2 йил ичида жами 455 миллион евро миқдорида сармоя киритилади.
Изоҳ (0)