Futbol bo‘yicha O‘zbekiston milliy terma jamoasi 25-avgust kuni Qirg‘iziston milliy terma jamoasiga qarshi o‘rtoqlik uchrashuvi o‘tkazadi. O‘yin Toshkent shahrida bo‘lib o‘tadi.
O‘zbekiston Futbol Federatsiyasi matbuot xizmati xabariga ko‘ra, Qirg‘iziston milliy terma jamoasi bosh murabbiyi Aleksandr Krestinin O‘zbekistonga qarshi o‘yin uchun 22 futbolchini tarkibga jalb qilgan.
Tarkibda O‘zbekiston Oliy Ligasida ishtirok etuvchi “Olmaliq” klubi yarim himoyachisi Farhod Musabekov, shuningdek, ayni vaqtda klubi yo‘q o‘yinchilar — darvozabon Pavel Matyash va yarim himoyachi Anton Zemlyanuxin bor. Himoyachilar qatorida ko‘rsatilgan Deniel Tego esa asli ganalikdir.
Qirg‘iziston milliy termasining O‘zbekistonga qarshi tarkibi
Darvozabonlar — Pavel Matyash (hozircha klubsiz), Valeriy Kashuba (“Dordoy”).Himoyachilar — Azamat Baymatov (“Soxar”, Ummon), Tamirlan Ko‘zubayev, Deniel Tego, Kursan Sheratov (hammasi – “Dordoy”), Amanbek Manibekov, Vladimir Kazakbayev, Danila Sokirchenko (hammasi – “Abdish-Ata”).
Yarim himoyachilar — Baxtiyor Duyshobekov (“Abdish-Ata”), Farhod Musabekov (“Olmaliq”, O‘zbekiston), Pavel Sidorenko, Aziz Sidiqov, Islom Shamshiyev, Qayrat Jirgalbek o‘g‘li, Bekjan Saginbayev, Avazbek O‘tkeyev (hammasi – “Dordoy”), Odiljon Abdurahmonov, Murolimjon Ahmedov (ikkisi – “Oloy”), Anton Zemlyanuxin (hozircha klubsiz).
Hujumchilar — Maqsad Alimov (“Oloy”), Suyuntbek Mamiraliyev (“Dordoy”).
Izoh (0)