16-avgust oqshomida Madridda “Real” futbol klubi Ispaniya Superkubogi javob uchrashuvi doirasida “Barselona”ni qabul qildi. Avvalroq Kataloniyada bo‘lib o‘tgan o‘yinda “Real Madrid” raqibini 3:1 hisobida mag‘lub etgan edi.
Javob o‘yinida ham madridliklar zafar quchdi. Uchrashuv debyutidayoq Asensio aniq va betakror zarbasi bilan hisobni ochgan bo‘lsa, birinchi taym yakunlanishiga yaqin qolganida Benzema chiroyli harakatlar bilan hisobni 2:0 ko‘rinishiga keltirdi.Mazkur hisob o‘yin oxirigacha o‘zgarmadi. E’tiborli tomoni, “Barselona” 2011-yildan beri birinchi marta “Real Madrid”ga qarshi o‘yinda maydonni gol urmay tark etdi — bundan avvalgi 24 ta o‘yinning barida “Barsa” kamida bitta gol urgan edi.
Izoh (0)