O‘zMTRKning “Sport” telekanalida O‘zbekiston Jismoniy tarbiya va sport davlat qo‘mitasi, Milliy olimpiya qo‘mitasi, respublika sport federatsiyalari rahbariyati ishtirokida OAV bilan muloqot tashkil etiladi.
“Sport” telekanali mutasaddilarining “Daryo”ga ma’lum qilishicha, 15-avgust, seshanba kuni 18:00 da boshlanadigan OAV bilan muloqot O‘zbekiston Prezidentining “Nufuzli xalqaro sport musobaqalarida yuksak natijalarga erishgan O‘zbekiston sportchilarini jamoat va sport ishlariga keng jalb etish hamda sportchilarni va ularning trenerlarini rag‘batlantirish to‘g‘risida”gi qaroriga bag‘ishlanadi.
“‘Sport’ telekanali barcha ommaviy axborot vositalari xodimlarini tadbirga taklif etadi. Uchrashuv 18:00da O‘zbekiston Olimpiya shon-shuhrati muzeyida boshlanadi”, — deydi telekanal vakili.
Izoh (0)