O‘zbekiston Xususiylashtirilgan korxonalarga ko‘maklashish va raqobatni rivojlantirish davlat qo‘mitasi foydalanilmayotgan moddiy madaniy meros obyektlarini ularda tadbirkorlik faoliyatini rivojlantirish uchun investorlarga taklif etadi. Bu haqda UZ24 xabar bermoqda.
Vazirlar Mahkamasining “2017—2019-yillarda Samarqand shahri va Samarqand viloyatining turizm salohiyatini jadal rivojlantirish chora-tadbirlari to‘g‘risida”gi qarorida foydalanilmayotgan moddiy madaniy meros obyektlarini ularda savdo, mehmonxona, ko‘ngilochar va turizm sohasining boshqa obyektlarini barpo qilish uchun investorlarga berish ishlarini faollashtirish ko‘zda tutilgan.
Obyektlar Vazirlar Mahkamasining 2009-yil 8-apreldagi “Davlat mulkini ijaraga berish tartibini takomillashtirish chora-tadbirlari to‘g‘risida”gi Qaroriga muvofiq ijaraga beriladi.
Davlat qo‘mitasi saytida ijaraga beriladigan madaniy meros obyektlari ro‘yxati keltirilgan. Ularning bari Samarqand shahrida joylashgan.
Ijaraga beriladigan masjidlar ro‘yxati
- Yangi Xayrobod masjidi, Samarqand shahar, Dahbed ko‘chasi, 50-uy;
- Shayx-ul-Islom majmuasi, Samarqand shahar, Dahbed ko‘chasi, 99-uy;
- Yomini majmuasi, Samarqand shahar, Chimkent ko‘chasi, 91-uy;
- Ko‘k masjid, Samarqand shahar, A.Abdurasulov ko‘chasi, 64-uy;
- “Urguti” masjidi, Samarqand shahar, Penjikent ko‘chasi;
- “Mahmudi Xorazmiy” masjidi, Samarqand shahar, Buxoro ko‘chasi, 2-uy.
Izoh (0)