O‘zbekiston Prezidenti Shavkat Mirziyoyev Davlat statistika qo‘mitasi faoliyatini takomillashtirish to‘g‘risidagi qarorni imzoladi. Bu haqda “Gazeta.uz” xabar bermoqda.
Hujjat xorij statistikasida tajribadan o‘tgan va keng qo‘llanadigan statistik tahlilning zamonaviy uslublari, hisobotning xalqaro talab va standartlarga to‘g‘ri keladigan ko‘rsatkichlari, baholash mezonlari va shakllarini joriy etish, statistik ma’lumotlar aniqliligi, shaffofligi va ochiqligini ta’minlash, shuningdek, xalqaro statistika tashkilotlari bilan hamkorlikni kengaytirishni ko‘zda tutadi.
Qaror bilan 2017—2021-yillarda statistika faoliyatini tashkillash, ma’lumotlar sifati va ularni tarqatish tizimi samaradorligini tubdan yaxshilash choralari dasturi ma’qullandi.
Davlat statistika qo‘mitasi va Iqtisodiyot vazirligining joriy yil ikkinchi yarmidan boshlab qator davlat statistika hisobotlari shakllarini qisqartirish taklifiga rozilik berildi.
Izoh (0)