Ўзбекистон Президенти Шавкат Мирзиёев Давлат статистика қўмитаси фаолиятини такомиллаштириш тўғрисидаги қарорни имзолади. Бу ҳақда «Газета.uz» хабар бермоқда.
Ҳужжат хориж статистикасида тажрибадан ўтган ва кенг қўлланадиган статистик таҳлилнинг замонавий услублари, ҳисоботнинг халқаро талаб ва стандартларга тўғри келадиган кўрсаткичлари, баҳолаш мезонлари ва шаклларини жорий этиш, статистик маълумотлар аниқлилиги, шаффофлиги ва очиқлигини таъминлаш, шунингдек, халқаро статистика ташкилотлари билан ҳамкорликни кенгайтиришни кўзда тутади.
Қарор билан 2017—2021 йилларда статистика фаолиятини ташкиллаш, маълумотлар сифати ва уларни тарқатиш тизими самарадорлигини тубдан яхшилаш чоралари дастури маъқулланди.
Давлат статистика қўмитаси ва Иқтисодиёт вазирлигининг жорий йил иккинчи ярмидан бошлаб қатор давлат статистика ҳисоботлари шаклларини қисқартириш таклифига розилик берилди.
Изоҳ (0)