O‘zbekiston Prezidenti Shavkat Mirziyoyev 20-iyul kuni “Toshkent viloyatining ma’muriy-hududiy tuzilishini hamda mahalliy ijroiya hokimiyati organlari faoliyatini yanada takomillashtirish chora-tadbirlari tug‘risida”gi qarorni imzoladi.
Mazkur qaror bilan Prezident Toshkent viloyatining Zangiota tumani hududi chegarasi doirasida Zangiota va Toshkent tumanlarini tashkil etish bo‘yicha Vazirlar Mahkamasining taklifini ma’qulladi.
Prezident ko‘rsatmasiga ko‘ra, endi Vazirlar Mahkamasi bir oy muddatda Oliy Majlisga Zangiota tumani hududida chegarasi doirasida Zangiota va Toshkent tumanlarini tashkil etish to‘g‘risida taklif kiritishi lozim.
Ma’lumot uchun, Zangiota va Toshkent tumanlari Oliy Majlisning 2010-yil avgustidagi qarorlari bilan birlashtirilgan edi. O‘shanda tumanlarni birlashtirish to‘g‘risidagi taklif Vazirlar Mahkamasi tomonidan kiritilgan edi.
Izoh (0)