Xo‘jayli tuman IIB HPB Jazoni ijro etish inspeksiyasi xodimlari tomonidan jazoni o‘tashdan bo‘yin tovlab yurgan shaxs jazoni ijro etish muassasasiga qaytarildi. Bu haqda “Daryo”ga IIV Huquqbuzarliklar profilaktikasi bosh boshqarmasi xabar berdi.
Jazoni ijro etish inspeksiyasi hisobida turgan, yaratilgan shart-sharoitlardan to‘g‘ri xulosa chiqarmay axloq tuzatish ishlari jazosini o‘tashdan bo‘yin tovlab yurgan Paraxat Payzullayevning o‘talmay qolgan 1 yil 9 oy 18 kun axloq tuzatish ishlari jazosi ozodlikdan mahrum etish jazosiga almashtirildi.
Aksincha, o‘rnatilgan tartib-qoida talablarini bajargan, mehnatga halol munosabatda bo‘lgan Ergash Abdullayev o‘talmay qolgan 10 oy 28 kun axloq tuzatish ishlari jazosidan muddatidan ilgari shartli ravishda ozod etildi.
Izoh (0)