Andijon shahar To‘klik mahalla fuqarolar yig‘inida yashovchi fuqaro 1997-yilda tug‘ilgan L.A. bir hafta ichida ikki marta jome’ masjidi oldida qoldirilgan mashinalarning eshigini ochib, o‘g‘rilik sodir etgani aniqlandi. Bu haqda Andijon viloyati IIB ma’lum qildi.
Fuqaro L.A. 2017-yil 4-iyulda Andijon shahar O‘zbekiston ko‘chasida joylashgan “Imom A’zam” jome’ masjidi oldida qarovsiz qoldirilgan Xo‘jaobod tumanida yashovchi Z.X.ning Damas avtomashinasi eshigini six yordamida ochib, avtomashina salonidan 300 000 so‘m pullari va Samsung rusumli telefon apparatini o‘g‘irlab ketgan.
Shundan so‘ng joriy yilning 7-iyulida shu masjid oldida qarovsiz qoldirilgan Xo‘jaobod tumanida yashovchi A.S.ga tegishli Nexia avtomashinasining eshigini ham six yordamida ochib, avtomashina salonida bo‘lgan 1 000 000 so‘m pullari va Samsung rusumli telefon apparatini qo‘lga kiritgan.
Tezkor surishtiruv harakatlari davomida L.A.dan ashyoviy dalil sifatida telefon apparatlari olingan. Holat yuzasidan tergovga qadar tekshiruv harakatlari olib borilmoqda.
Izoh (0)