O‘zbekiston Prezidenti Shavkat Mirziyoyev Toshkent viloyatiga tashrifi chog‘ida O‘rta Chirchiq tumanidagi “O‘zbegim otlari” ot zavodi faoliyati bilan tanishdi. Bu haqda O‘zA xabar berdi.
“O‘zbegim otlari” ot zavodi 1992-yil tashkil etilgan bo‘lib, maydoni 140 gektardan ortiq. Zavod qadimiy ot zotlari, jumladan, Axalteki tulporlarini ko‘paytirish va parvarishlashga ixtisoslashtirilgan.
Bugungi kunda “O‘zbegim otlari” zavodida 300 ga yaqin ot parvarishlanmoqda. Ular orasida Axalteki zotidan tashqari, ingliz va arab zotli otlar ham bor.
“O‘zbegim otlari” zavodida Prezident Shavkat Mirziyoyevga Turkmaniston Prezidenti Gurbanguli Berdimuhamedov tomonidan sovg‘a qilingan “Do‘stxon” laqabli zotdor ot yig‘ilganlar e’tiboriga havola etildi.
Ot zavodi hududida zotdor otlarni ko‘paytirish, sohada naslchilik ishlarini yaxshilashga qaratilgan istiqbolli loyihalar taqdimoti ham o‘tkazildi.
Izoh (0)