Rossiya Premyer-ligasining “Rostov” klubi bilan 4 yillik shartnoma imzolagan o‘zbekistonlik futbolchi Eldor Shomurodov o‘zining Instagram sahifasida muxlislarga xayrlashuv maktubini yozdi.
Assolomu alaykum qadrli do‘stlar, aziz ustoz va murabbiylar, sevimli muxlislarim! Keyingi taqdirimni Rossiya Premyer-ligasining “Rostov” klubi bilan bog‘ladim. Bundan baxtiyorman! Chunki o‘zimni Premyer-ligada sinab ko‘rishni juda istagandim.Avvalroq Qarshining “Nasaf” klubidan Toshkentning “Paxtakor”iga yetib kelgan Eldor ismli boshqa bir futbolchi — Eldor Suyunov ham muxlislari bilan Instagram sahifasi orqali xayrlashgandi.“Mash’al”dan “Bunyodkor”ga yo‘l olib adashmadim, aksincha, katta o‘sishga erishdim. Umuman, futbolning ilk saboqlarini o‘rganishimda xizmatini ayamagan va men uchun tramplin bo‘lgan “Mash’al” klubi rahbarlari, murabbiylari va barcha ishchi xodimlariga katta rahmat deyman. Endi Toshkent klubidan “Rostov”ga o‘tdim. O‘ylaymanki, bu qarorim ham har tomonlama foydali bo‘ladi.
Rossiya Premyer-ligasiga yo‘l olishimda o‘z yordamini ayamagan barcha insonlarga rahmat deyman. Alohida tashakkurlarimni “Bunyodkor” bosh direktori Murod Aliyevga, bosh murabbiy Mirjalol Qosimovga bildirmoqchiman. Chunki bu insonlar meni to‘g‘ri tushunib, kuchli chempionatda to‘p tepish istagimni ma’qullashdi va qarorimni qo‘llab-quvvatlashdi. Kuchli chempionatdan taklif kelsa, klub rahbariyati futbolchining xohish va istaklarini birinchi o‘ringa qo‘yadi. Menga oq fotiha tilab, Rossiya klubiga o‘tishimda ko‘mak berganlari uchun ularga yana bir-bor minnatdorchilik bildiraman.
Qadrli do‘stlarim, sizlar bilan ajoyib darvlarni birga o‘tkazdik. Yorqin g‘alabalar, alamli mag‘lubiyatlarda birga bo‘ldik. Bunday onlar hayotim zarvaraqlarida unutilmas bo‘lib qoladi. Hammasi uchun rahmat!
Aziz muxlislar, sizlarning ko‘magingiz va daldangiz hozirgi paytda men uchun har qachongidan ham muhim. Chunki hayotimda yangi sahifa ochilayotgan palla. Duolaringiz, daldangiz meni yanada kuchliroq qiladi. “Rostov”dagi raqobatda ijobiy hislatlarimni namoyish etib, yurtimiz sha’nini ruslar diyorida munosib himoya qilishga harakat qilaman.
Hozircha Rossiya maydonlarida “Rostov” libosida o‘ynayman. Ishonamanki, 2018-yil ruslar zaminida O‘zbekiston milliy terma jamoasi libosida to‘p tepish ham albatta nasib qiladi.
Eldor Shomurodov, O‘zbekiston termasi a’zosi
Izoh (0)