Finlyandiya “Rossiya xavfi”dan himoyalanish uchun bunkerlar qurmoqda, deb yozadi “Vesti.ru”. Xelsinkidagi “yerosti shahri”ning yangi vazifasi haqida Wall Street Journal ma’lum qildi.
Amerika nashri ma’lumotlariga ko‘ra, ishlar allaqachon boshlangan. Hukumat 200 kilometrdan ziyod uzunlikdagi tunnellar va boshqa yerosti kommunikatsiyalari tizimini takomillashtirmoqda.
Zarur bo‘lgan taqdirda, bir necha kun ichidayoq bunkerlar boshpanalarga va hatto qo‘mondonlik punktlariga aylantiriladi. Xelsinki tagidagi yerosti shahri Finlyandiya poytaxtining butun aholisini — 600 mingdan ortiq kishini o‘z ichiga sig‘dira oladi.
Shu bilan birga, evakuatsiya qilinganlarning barchasini muttasil aloqa bilan ta’minlashadi, hukumat esa mamlakatni yer ostida turib boshqara oladi.
Izoh (0)