Yunusobod tumanida Adabiyot bog‘i barpo etiladi

O‘zbekiston Prezidenti Shavkat Mirziyoyev Bo‘zsuv kanali bo‘yida barpo etiladigan Adabiyot bog‘i loyihasi bilan tanishdi. Bu haqda O‘zA xabar bermoqda.

Bog‘da kitob o‘qish uchun maxsus joylar, favvoralar, amfiteatr, ko‘rgazma pavilyonlari, sport va sog‘lomlashtirish zonalari, kamonchilar va havaskor baliqchilar klublari tashkil etiladi, zamonaviy attraksionlar o‘rnatiladi.

“Bog‘ hududga tutash Shahidlar xotirasi xiyoboni bilan o‘zaro uyg‘unlik kasb etadi”, — deb yozadi O‘zA.

Shavkat Mirziyoyev bu yerni madaniyat va ma’naviyat maskaniga aylantirish, yoshlar, kitobxonlar uchun barcha sharoitlar yaratish bo‘yicha ko‘rsatmalar berdi.

Prezident yangi bog‘ni barpo etishda tabiiy relyefdan oqilona foydalanish, turli daraxt va gulzorlarni ko‘paytirish zarurligini ta’kidladi.