Toshkent davlat yuridik universiteti qabul komissiyasiga ukasining o‘rniga hujjat topshirishga uringan shaxs o‘z maqsadiga erisha olmadi. Bu haqida TDYU qabul komissiyasi vakillari “Daryo”ga ma’lum qildi.
9-iyul kuni soat 9:30 da TDYU qabul komissiyasiga o‘zini 1994-yilda tug‘ilgan fuqaro Abbos Jabborov (familiya o‘zgartirilgan) deb tanishtirgan fuqaro hujjatlarni taqdim etgan.
Mavzuga doir: Toshkent axborot texnologiyalari universitetida forma kiygan “zaychiklar” qo‘lga tushdi
O‘tkazilgan suhbatdan keyin soxta abituriyent haqiqatda bu fuqarolik pasporti unga tegishli emasligini, bu yerga boshqa shaxsning nomidan kelganini tan oldi va o‘zi haqidagi haqiqiy ma’lumotlarni ma’lum qildi.
Mavzuga doir: O‘zMUda boshqa abituriyentlarning o‘rniga hujjat topshirmoqchi bo‘lgan “ziyoli snayperlar” qo‘lga tushdi
Mazkur holat bo‘yicha tegishli tartibda shaxslardan tushuntirish xatlari olindi, dalolatnoma tuzildi hamda barcha materiallar ichki ishlar organiga yuborildi.
Hozirda surishtiruv ishlari olib borilmoqda.
Izoh (0)