Тошкент давлат юридик университети қабул комиссиясига укасининг ўрнига ҳужжат топширишга уринган шахс ўз мақсадига эриша олмади. Бу ҳақида ТДЮ қабул комиссияси вакиллари «Дарё»га маълум қилди.
9 июль куни соат 9:30 да ТДЮ қабул комиссиясига ўзини 1994 йилда туғилган фуқаро Аббос Жабборов (фамилия ўзгартирилган) деб таништирган фуқаро ҳужжатларни тақдим этган.
У билан ўтказилган дастлабки суҳбат, паспорти ва бошқа ҳужжатларидаги шубҳали ҳолатлар, паспортдаги сурат ва ҳужжатни тақдим этган шахснинг ташқи ўхшашлигидаги жиддий тафовутлар қабул комиссияси ходимларида асосли шубҳа уйғотди.Ўтказилган суҳбатдан кейин сохта абитуриент ҳақиқатда бу фуқаролик паспорти унга тегишли эмаслигини, бу ерга бошқа шахснинг номидан келганини тан олди ва ўзи ҳақидаги ҳақиқий маълумотларни маълум қилди.
Мавзуга доир: ЎзМУда бошқа абитуриентларнинг ўрнига ҳужжат топширмоқчи бўлган «зиёли снайперлар» қўлга тушди
Мазкур ҳолат бўйича тегишли тартибда шахслардан тушунтириш хатлари олинди, далолатнома тузилди ҳамда барча материаллар ички ишлар органига юборилди.
Ҳозирда суриштирув ишлари олиб борилмоқда.
Изоҳ (0)