Пасадина полицияси (Техас штати, АҚШ) тезликни оширгани учун автомобилни тўхтатганида, уни 11 ёшли қизалоқ бошқариб кетаётгани маълум бўлди, деб хабар берди «Мотор».
Даллас News нашрнинг хабар беришича, қизалоқ билан машинада унинг 10 ёшли укаси ҳам бўлган.
Автомобиль рухсат этилган тезлик — 56 километр/соатни ташкил қиладиган ҳудудда 79 километр/соат тезлик билан ҳаракатланган. Полициячилар машинани тўхтатганида қизалоқ автомобилни мустақил равишда бошқариши биринчи марта эмаслигини айтган.
Полиция вакилларининг сўзларига кўра, болалар холасиникида бўлган ва у болаларнинг 25 ёшли онаси Мария Лопезга қўнғироқ қилиб, қизча укасини машинада уйга олиб бора оладими дея сўраган. Она эса розилик билдиган. Полиция болаларни уйига олиб борганида, Лопез ростдан ҳам бунга рухсат берганини тасдиқлаган.
Лопезга нисбатан икки ҳолда ёш болаларини хавф остида қолдиргани учун айблов эълон қилинган. У уч минг доллар гаров эвазига қўйиб юборилган.
Изоҳ (0)