Xalqaro press-klubning 7-iyulda bo‘lib o‘tgan sessiyasida ishtirok etgan Markaziy bank departament direktori o‘rinbosari Zafar Azimov O‘zbekistonda qayta moliyalash stavkasining 9 foizdan 14 foizga ko‘tarilishiga izoh berar ekan, 2017-yilda tijorat banklari tomonidan juda katta miqdorda kreditlar ajratilganiga urg‘u berdi.
Markaziy bank vakilining ma’lum qilishicha, kredit qo‘yilmalari hajmi oldingi yillarga nisbatan nihoyatda oshib ketgan. Yarim yilda kreditlar hajmining o‘sish darajasi 45,6 foizni tashkil qildi.
Yarim yilda kichik biznes subyektlariga 10,2 trillion so‘mlik, yirik investitsion loyihalarni moliyalashtirish uchun 7,2 trillion so‘mlik kreditlar ajratildi.
Jahonda moliyaviy-iqtisodiy inqiroz davom etayotgan bir vaqtda Markaziy bank narxlar barqarorligini ushlab turish va inflatsion xatarlarning oldini olish maqsadida qayta moliyalash stavkasini 9 foizdan 14 foizga ko‘tarishga qaror qildi. Lekin Markaziy bank boshqaruvi doimiy ravishda mamlakatdagi narxlar barqarorligni kuzatib boradi va tahlil qiladi. Agar tahlillar narxlarning barqarorligini va inflatsion xatarlarning pasayganini ko‘rsatsa, Markaziy bank qayta moliyalash stavkasini qayta ko‘rib chiqadi va uni pasaytiradi.Iyun oyida tijorat banklari ustav kapitalini oshirish uchun 500 million dollar miqdorida mablag‘ ajratilgan.Zafar Azimov, O‘zbekiston Markaziy banki departament direktori o‘rinbosari
Shuningdek, Markaziy bank va mutasaddi vazirlik va idoralar tomonidan erkin valyuta konvertatsiyasini liberallashtirish borasida ishlar olib borilayotgani takidlangan holda, yaqin vaqt ichida o‘zgarishlar bo‘lishi aytib o‘tildi.
Izoh (0)