Халқаро пресс-клубнинг 7 июлда бўлиб ўтган сессиясида иштирок этган Марказий банк департамент директори ўринбосари Зафар Азимов Ўзбекистонда қайта молиялаш ставкасининг 9 фоиздан 14 фоизга кўтарилишига изоҳ берар экан, 2017 йилда тижорат банклари томонидан жуда катта миқдорда кредитлар ажратилганига урғу берди.
Марказий банк вакилининг маълум қилишича, кредит қўйилмалари ҳажми олдинги йилларга нисбатан ниҳоятда ошиб кетган. Ярим йилда кредитлар ҳажмининг ўсиш даражаси 45,6 фоизни ташкил қилди.
Ярим йилда кичик бизнес субъектларига 10,2 триллион сўмлик, йирик инвестицион лойиҳаларни молиялаштириш учун 7,2 триллион сўмлик кредитлар ажратилди.
Жаҳонда молиявий-иқтисодий инқироз давом этаётган бир вақтда Марказий банк нархлар барқарорлигини ушлаб туриш ва инфлацион хатарларнинг олдини олиш мақсадида қайта молиялаш ставкасини 9 фоиздан 14 фоизга кўтаришга қарор қилди. Лекин Марказий банк бошқаруви доимий равишда мамлакатдаги нархлар барқарорлигни кузатиб боради ва таҳлил қилади. Агар таҳлиллар нархларнинг барқарорлигини ва инфлацион хатарларнинг пасайганини кўрсаца, Марказий банк қайта молиялаш ставкасини қайта кўриб чиқади ва уни пасайтиради.Июнь ойида тижорат банклари устав капиталини ошириш учун 500 миллион доллар миқдорида маблағ ажратилган.Зафар Азимов, Ўзбекистон Марказий банки департамент директори ўринбосари
Шунингдек, Марказий банк ва мутасадди вазирлик ва идоралар томонидан эркин валюта конвертациясини либераллаштириш борасида ишлар олиб борилаётгани такидланган ҳолда, яқин вақт ичида ўзгаришлар бўлиши айтиб ўтилди.
Изоҳ (0)