O‘zbekiston 2016-yil yakuni bo‘yicha yalpi ichki mahsulot hajmi bo‘yicha, xarid qobiliyati tengligini (purchasing power parity) hisobga olganda, dunyoda 61-o‘rinni egalladi. Bu haqda Uzdaily xabar bermoqda.
Jahon banki YaIM hajmi bo‘yicha mamlakatlar reytingini e’lon qildi. Undan 186 davlat o‘rin oldi. Reytingda O‘zbekiston, xarid qobiliyati tengligi hisobga olinganda, 207,47 milliard dollar ko‘rsatkich bilan 61-o‘rinni egalladi.
Bank 2016-yil YaIM ko‘rsatkichlariga asoslangan dunyo iqtisodiyotlari hajmi haqidagi ma’lumotlarni ham e’lon qildi. Unga ko‘ra, O‘zbekistonda YaIM o‘tgan yili 67,22 milliard dollarni tashkil etdi va mamlakat 195 davlat orasida 71-o‘rinni egalladi.
Aholi jon boshiga yalpi milliy daromad (YaMD) 2016-yil yakunlari bo‘yicha 2,22 ming dollarni tashkil etdi va O‘zbekiston bu ko‘rsatkich bilan 159-o‘rinda qayd etildi. Xarid qobiliyati tengligi inobatga olinganda esa YaMD 6,64 ming dollardan iborat bo‘ldi (dunyoda 147-o‘rin).
Izoh (0)