Adliya, Bandlik vam mehnat munosabatlari hamda Moliya vazirligi “Davlat notarial idoralari va notarial arxivlar faoliyatini moliyalashtirish tartibi to‘g‘risidagi Nizomga o‘zgarish va qo‘shimchalar kiritish to‘g‘risida” qaror qabul qildi. Bu haqda Norma xabar bermoqda.
Kiritilgan o‘zgarishlarga ko‘ra, notarial idoralar tomonidan amalga oshirilgan qo‘shimcha huquqiy va texnik ko‘rinishdagi harakatlardan kelib tushgan mablag‘ xodimlar lavozim maoshlariga oylik ustamalar belgilash, mukofotlash, sovg‘alar berish, moddiy yordam ko‘rsatish, shuningdek, kommunal, ijara, aloqa, texnika ta’miri, kanselyariya buyumlari xarid qilish va boshqa joriy xarajatlarni qoplashga yo‘naltiriladi.
Lavozim maoshlariga oylik ustamalar uchun qo‘shimcha huquqiy va texnik ko‘rinishdagi harakatlardan kelib tushgan mablag‘ning 40 foizi ajratiladi.
Ajratilgan mablag‘ning notarius va unga biriktirilgan xodimlar o‘rtasidagi taqsimoti notarius taklifiga ko‘ra, ish haqiga nisbatan maksimal miqdorni o‘rnatmagan holda amalga oshiriladi. Notarial arxiv xodimlari lavozim maoshlariga oylik ustamalar esa uning 75 foizi miqdorida belgilandi.
Shuningdek, korrupsiyaviy huquqbuzarlik holatlari haqidagi xabarlar uchun xodimlar (jumladan, sobiq xodimlar ham) lavozim maoshining bir barobarigacha bo‘lgan miqdorda mukofotlanishi va qimmatbaho sovg‘alar bilan taqdirlanishi ko‘zda tutilmoqda.
Izoh (0)