AQShning Virjiniya shtati politsiyasi xodimlaridan birini otishma davomida yaralagan erkakni otib o‘ldirdi. Bu haqda Norfolk shahrining rasmiy saytiga tayanib “RIA Novosti” xabar berdi.
Otishma 2-iyul, yakshanba kuni mahalliy vaqt bilan 23:15 da sodir bo‘lgan. Qurollangan erkak haqida xabar berilgandan so‘ng politsiya voqea joyiga yetib kelgan.
Qayd etilishicha, politsiya xodimlari qurollangan erkak bilan aloqa o‘rnatishga harakat qilganda, u politsiyaga qarata o‘q uzgan. O‘q esa politsiya xodimiga kelib tekkan.
“Dam olish kuni politsiya xodimlari ishtirokida otishma ro‘y berganligini Norfolk politsiyasi tasdiqlaydi. Otishma natijasida politsiya xodimi yaralandi, erkak esa halok bo‘ldi”, — deb ta’kidlanadi shahar rasmiy sayti xabarida.
Xabar berilishicha, Virjiniya shtati politsiyasi hodisa yuzasidan tekshiruv olib bormoqda.
Izoh (0)