Zimbabve prezidenti Robert Mugabe Afrika ittifoqiga million dollar xayriya qilish uchun o‘ziga tegishli mollarni sotdi. Bu haqda “RIA Novosti” xabar bermoqda.
“Afrikalik va fermer bo‘lganim uchun menga mollarni ehson qilish tabiiy: qit’amiz ularga boy, chorva daromad orttirish vositasi hisoblanadi”, — dedi Mugabe Afrika ittifoqi sammitidagi chiqishi chog‘ida.
Ittifoq vakiliga ko‘ra, Mugabe avvaliga tashkilotga sigirlarning o‘zini taklif etdi. Biroq ularni Addis-Abebadagi shtab-kvartirada saqlab turish muammo bo‘lgani tufayli 300 bosh molni auksionda sotib yubordi.
Izoh (0)